+of+Free_054_016.jpg)
عندما انظر الى اسماء المدونات يخامرنى شعور بأنها بطريقة ما تعبر عن صاحبها
فنجد من يتخذ اسم الدلع عنوانا لمدونته
وآخريستعمل كلمه او جمله تعبيرا عن وصف او صفه
وثالث يعتبر عنوان مدونته هو موقفه من الحياه او الناس
ما أريد قوله ان عنوان المدونه له دلاله ما
وادعو من سيعلق ان يفسر لنا (لو أراد ) لم اختار هذا الاسم
وسأبدأ بنفسى ولكن معكم بصفحة التعليقات
فنجد من يتخذ اسم الدلع عنوانا لمدونته
وآخريستعمل كلمه او جمله تعبيرا عن وصف او صفه
وثالث يعتبر عنوان مدونته هو موقفه من الحياه او الناس
ما أريد قوله ان عنوان المدونه له دلاله ما
وادعو من سيعلق ان يفسر لنا (لو أراد ) لم اختار هذا الاسم
وسأبدأ بنفسى ولكن معكم بصفحة التعليقات
----
تحديث
ربما غفل عنى ان اذكر ان التدوين يفتح لنا طاقه
نطل منها على الآخرين بحلوهم ومرهم
وربما ايضا فى ارض الواقع لانمتلك تلك الطاقه
التى تتيح لنا قدرا كبيرا للتواصل الفكرى
فنحن نرسم صوره لأنفسنا بالكلمات
حتى اننا كثيرا ما نشعر بأنفاس المدون
حين ندخل بيته (أقصد مدونته )
--
شخصية المدون
****
هل يمكن ان نتعرف مبدئيا على شخصية صاحب المدونه
لقد قمت بحصر عدد من النقاط قد تساهم فى ذلك
1- اختياره لقالب المدونه
2- الألوان السائده بالمدونه
3-ملف التعريف وحتى ان لم يكتب به شيئا
4-سماحات التعليق فالبعض يقيد والآخر يتركه مفتوحا
5-الكتابات الجانبيه وكذلك الأضافات
6-اختيارات الصور والملفات الصوتيه الدائمه
7-الردود على المشاركات
8-تفاعل المدون مع باقى المدونات الأخرى
9- اختيار المدون لموضوعاته
10-اسلوب طرح الموضوع
ولو ان هناك اشياء أخرى فبرجاء طرحها فى التعليق
---
--
شخصية المدون
****
هل يمكن ان نتعرف مبدئيا على شخصية صاحب المدونه
لقد قمت بحصر عدد من النقاط قد تساهم فى ذلك
1- اختياره لقالب المدونه
2- الألوان السائده بالمدونه
3-ملف التعريف وحتى ان لم يكتب به شيئا
4-سماحات التعليق فالبعض يقيد والآخر يتركه مفتوحا
5-الكتابات الجانبيه وكذلك الأضافات
6-اختيارات الصور والملفات الصوتيه الدائمه
7-الردود على المشاركات
8-تفاعل المدون مع باقى المدونات الأخرى
9- اختيار المدون لموضوعاته
10-اسلوب طرح الموضوع
ولو ان هناك اشياء أخرى فبرجاء طرحها فى التعليق
---
هناك 17 تعليقًا:
مسافر الى
هو عنوان مدونتى واخترته لأنه اختصار لرحلتنا
عبر الحياه. فكلنا مسافر لايملك ابدا قرار مغادرته
وربما بيت الشعر الذى اخترته للشاعر صلاح عبد الصبور
لوصف المدونه قريب من هذا المعنى
دقى يا ساعة الجامعة هو عنوان مدونتي ولانها مدونة متخصصة في المجتمع الجامعي ومش بعيده عن المجتمع المصري فقد اخترت هذا اوصف ، زماااان مثل مدونتك بتاعت الراجل الميت ده كان جو الحرية داخل الجامعات يسمح بمظاهرات طلابية بلا قيود وكان الطلبة يرددون هذا العنوان " دقي يا ساعة الجامعة يا حرة على أيامنا السوداء المرة"
اخترته لانه بيعبر عن حالة عايشاها طول عمرى..او بمعنى اصح حالة نفسي اوصلها بشكل مطلق
انا بتنفس حرية على راى جوليا بطرس :)
عجبتني قوي التدوينة
ومتفق معاك تماما فى كل اللى قلته
اما بالنسبة لاسم مدونتى
انا شرحته بالتفصيل فى اول تدويناتى
وهاقوله باختصار
انا شايف ان سقراط لما تجرع كأس الموت من غير فرار
كان يقصد يبعت رسالة لكل اللى هايجي من بعده
ورسالته عاشت لحد النهاردة
من اول تلميذه افلاطون
واتمني ان مدونتى تكون جزء من رحلة الرسالة دى
اخترت اسم "روز" ليس فقط لعشقي للورد،
لحبي له كإسم أيضا،لفت انتباهي أول
مرة عندما شاهدت فيلم"تيتانيك"
بطلة القصة اسمها "روز" ،أحببت
الإسم بكل ما يحمله من حمولة عاطفية
و حب وتميز تميزت بهم البطلة،أعني هنا
البطلة الحقيقية لا الممثلة،من يومها ارتبط
في ذهني اسم"روز" بتجربة جميلة ،قاسية،
و متميزة!!
اسم مدونتي فرد حمام
وانا اهترته لاني وحيدة بلا وليف ولهذا فهذا الفرد هوانا والامضاء ده اسم الدلع بتاعي
عندك حق يا سولي
فيه مدونات بحسها زحمة أوي من ألوانها وكمية الصور اللي فيها وفيه مدونات بحسها صافية وبسيطة
وشكل المدونة بيأثر علىَّ فعلاً
فيه مدونات مبحبش أدخلها لأن شكلها كئيب وفيه مدونات بستريح لما أشوفها بس
وعموماً بحب البساطة في تصميم المدونات
آه
فيه مدونة بادخلها بس علشان أسمع المزيكا اللي فيها
ومبحبش التغيير كل شوية في شكل المدونة
لأني بابقى اتعودت عليها وحصلت لي حالة ألفة معاها
بحب الخط يبقى واضح
ويبقى فيه مسافة مناسبة بين الفقرات
الحاجات دي بتخليني أقرا التدوينة لآخرها حتى لو كانت طويلة
شكل المدونة بيعبر عن شخصية صاحبها بنسبة طبعاً
...
الموضوع اللي بيأثر في بقى هو الردود ع المشاركات
أول ما ابتديت أدون كانت عاجباني فكرة الكتابة وانا مستخبية ورا الشاشة
بعد شوية اكتشفت ان الأمتع من التدوين هو الرد ع التعليقات
بجد باستمتع بموضوع التعليقات والرد عليها جداً
...
اسم المدونة ست الحسن
سمتها كدة لأني ابتديت أدون في فترة كنت حاسة فيها بوحدة شديدة وانعزال
وحاسة ان محدش شايفني
وبعدين فكرت انهم شايفين جزء وجزء تاني لأ
فجت من هنا فكرة أمنا الغولة الي كل الناس بتشوفها وست الحسن اللي محدش عمره شافها أبداً
طولت عليك
بس الموضوع جميل فعلاً
عندك حق في كل اللى قلته .وانا سالت نفسي قبل كدا ولما ادخل مدونة بتوقع شخصية صاحبها من الاسم ومن الردود ومن التوبيك واستايل المدونة
بالنسبة ليا ..انا بحس ان في علاقة غريبة بيني وبين القمر حتى اسمي فى المندتيات غالبا بيكون ليه علاقة كمان بالقمر
وبالنسبة لاستايل المدونة ..انا حاسيت انى عايزة افضفض اتكلم وارمي همومى على دفتري فاخرت تصميم يشبه الكتاب
ويارب اقدر اقدمفيه حاجة بجد تكون كويسة
وزي ست الحسن لما قالت كمان عن التعليقات انا بحب اشارك الناس كلامهم وافكارهم قويوبشوفها متعة جدا
ومرسي على البوست الجميل
مدونتى اسمها صعبان علىّ حالنا
اخترته مبدئيا بلا تخطيط مسبق منى
ولكن بعد ماأخترته وجدت فى نفسى
ميلا اليه وتعبيرا عما يجيش فى نفسى
ناحية بلدنا وناس بلدنا لانى فعلا بحبهم
وصعبان عليا ما هم فيه من حال صنعوه
هم بداية بأنفسهم!اما القالب او الاستايل
فيُسئل فى هذا صديق عزيز اختاره لى بعد ما قرأ
كذا تدوينة عنى فأقترح تغير القالب القديم بما تراه
الان وحبببببببببببته من اول نظرة يابووووى :):)
لانى صراحة احب الالوان الفرحة والورد والجمال عامة.
استأذن اجى مرة تانية ممكن بكرة
اكمل الكلام مممممممكن سولى؟
الموضوع ده ينفع تاج
بحاله سولى مش تدوينة بس:)
صباح الخير والخيرات سولى :)
نكمل ما بدأناه :)
3-ملف التعريف بى حقيقى
برضه غيرته مع تغير الاستايل
واستقريت على اخر تعريف ده
4-التعليق فى وقت ما كنت عاملة
مودريشن للكومنتات بعد التعرض لموقف
بايخ لكن الحمد لله ماتكرر تانى من مدة طويلة
وبالتالى شيلته
5-الكتابات الجانبية
بأعتبرها تجديد يومى للمدونة
بتضيف لها من كذا مصدر(أخبار-مقالات-صورة جميلة!)
6-الصور بالصراحة شىء اساسى عندى لانها من ضمن
التعبير والتصوير عن الموضوع .اما الملفات الصوتية اللى على الجنب برضه بأعتبرها نوع من انواع التغير
والتجديد للمدونة والتدوينة ولعلمك بعض المدونات اذهب اليها يوميا لسماع الموسيقى التى بها.
7-الردود على المشاركات شىء اساسى وهام والا ليه بنكتب ما كنا قفلنا التعليقات !!وقلنا اللى عايزينه!
8-لابد من الزيارات المتبادلة والا وبصراحة ما انا (نجيب محفوظ او طه حسين الله يرحمهم)المدونين حيجوا يقراءوا لىّ مخصوص !
10-اختيار الموضوعات دى بقى بالنسبة لى حسب الظروف العامة والحالة النفسية سواء لى او للناس
بمعنى مثلا العيد جه:ازاى ما اكتب عن او ما اكتب تهنئة للناس اللى حتدخل لى المدونة اينعم كل الناس كاتبة لكن المناسبات العامة دى لابد فيها من التكرار بتحسسنى ان المدون (موجود)وصاحى وواعى بالوقت اللى احنا فيه.لكن برضه ساعات افضل عدم الكلام فى موضوع بردووووون ياسولى(مرترت)يعنى كتير فى المدونات التانية :)فهمت قصدى ؟
10-اسلوب طرح الموضوع بيعتمد على الموضوع او المادة بتاعة الموضوع نفسه مع مراعاة التنوع ياسولى (الناس ملولة ياسولى وان ما كنتش الحق اجذبهم بسرعة للى بقوله حيروحوا لحد تانى)
11-هو انت سبت حاجة ما سألتش عليها:)
بس فعلا ياسولى اقترح انك تعمل الموضوع كا(تاج)
بس بالله عليك اوعى تعطيه لىّ:(انا عندى اتنين محتارة فى الرد عليهم :(
*****مدونتك متميزة ياسولى هذا ما
احسه حين ما اجىء الى هنا .فشكرا لك.
أعجبني كثيرا هدا الموضوع فهو مثير للاهتمام وأعتقد إنه يمسني شخصيا لسبب بسيط وهو اني تقريبا لا أعرف أحد من المدونين معرفة شخصية لدلك ليس أمامي سوى مدوناتهم لأحاول أن استنبط منها وأفهم شخصياتهم
وإن كنت أعتقد انه في بعض الأحيان يكون الأمر خادعا فأحيانا لا تعبر المدونة عن شخصية المدون الحقيقية التي يظهر بها بين الناس في الواقع
فمثلا في مدونتي تجد رغي كتير مالوش لازمة بالرغم من اني في الحقيقة لا أتكلم إلا فيما ندر ولا أعبر عن رأي في أي حاجة
وكمان اللي يدخل مدونتي يجدها كئيبة شوية فالكلام صغير قوي ومزنق كدة وحاجة صعبة لكن في الحقيقة أنا حاولت أكبر الخط لقيت العملية باظت خالص فالكلام اتلخبط وكلام كتير اتمسح و كانت "حوسة" فرجعت صغرته تاني وعموما لو حصل وحد حب يعني يقرأ فيها حاجة انصحه انه يكبر الفونت منview
عموما الحكاية دي كلها لا تعبر في شخصيتي سوى عن جهلي الشديد
أما عن اسم المدونة "أخبار خفيفة" فلقد اخترته لانه له علاقة بعملي في الاخبار و لان معظم الموضوعات فيها هي تعليق على الاخبار وإن كان فيه بعض السخرية لان هدا النوع من الاخبار لا يمكن ابدا وصفه بالخفيفة
وأرى انك غطيت ببراعة شديدة كل النقاط التي تعكس شخصية المدون
وفي النهاية احييك واسجل اعجابي بمدونتك الجميلة
علي فكرة ده أجل بوست قريته علي الإطلاق ... أصلي صريحة وبحب الصراحة ...
مدونتي اسمها ميمايا ... وده اول حرف من اسمي
وبعشق التعليقات وباستناها علي أحر من الجمر
بحب القالب البسيط للمدونة بتاعتي بس ساعات بتعجبني أفكار تصاميم لمدونات تانية بحس فيها بحركة أكبر ...
وعلي فكرة ساعات بتعرف علي شخصية الكاتب من تعليقاته أو من ردوده ... حتي أسمه ولو مش كاتبه في البروفايل
اسفة طولت عليك...
بس بجد موضوع يستاهل
نورتني بزيارتك
اه وميمي ده أسم الدلع بتاعي وسط العائلة
ميمو
مدونتك عايزه شوية حبشتكنات علشان تبقى ماشيه
مع المود الجميل بتاع المدونه
وواضح انك شخصيه بسيطه مش مكلكعه
وبعدين من ناحية التعليقات بسم الله ماشاء الله
انت معديه
قصدك بإيه حبشتكانات ؟؟
صور وحركات ولا إيه ؟
رأيك يهمني يا سولي
كانت ايام حلوه اسم لمدونتي اتووقع السبب اني كنت حااابه طريقة حيااتي في السااابق شخصيتي كانت غير كنت كلي غير اللحين ابدا غير راضيه ع نفسي
عزيزتى fo0fh
اسم مدونتك جميل
ودوما نشعر ان الأيام الماضيه هى اجمل وأنقى
ولكن يبدو من ردك انك مررت يتجربه صعيه
اتمنى ان يكون المستقبل يخفى لك الأجمل
إرسال تعليق