ومن اليأس.......ما قتل

أيمكن لأنسان ان يمنع مآسى الحياه المتوقعه عن أحباءه

أيمكنه أن يتخذ قرارا منفردا بشأن حياتهم
بداعى حبه الشديد لهم
هذا ما حدث مع المهندس الذى اتهى حياة زوجته وأولاده
بطريقه بشعه

الأب المتهم

«قتلتهم عشان يكونوا شهداء، يدخلوا الجنة ويرتاحوا عند ربنا بدل ما يتبهدلوا فى الدنيا» كلمات قالها المهندس شريف كمال الدين المتهم بقتل عائلته فى النزهة من على سرير العناية المركزة فى مستشفى هليوبوليس، حيث يرقد بعد قتله لزوجته عبلة رفيقة عمره وحب حياته وابنه المهندس وسام الذى كان يشبهه فى كل شىء وابنته الرقيقة داليا، التى كانت تعمل مدرسة لفن الباليه.

«اللى حصل ده عمرى ما كنت أحلم بيه فى أسوأ كوابيسى» أضاف لـ«المصرى اليوم»، وهو ينظر إلى سقف حجرته كعادته منذ أن أفاق قبل يومين وواصل «كل لحظة بتمر عليه بترحم عليهم وبحس إنى كان نفسى أكون معاهم..

لكن باستريح لما بفتكر إنهم شهداء وهيدخلوا الجنة وهيعيشوا عند ربنا فى نعيم أحسن من اللى كانوا عايشين فيه فى الدنيا وبدل البهدلة اللى كانت تنتظرهم بعدما خسرت «تحويشة عمرى» فى البورصة الأمريكية وتداينت وحسيت باليأس من إنى أرجع ثروتى تانى بعد استمرار البورصة فى الخسارة».

أنا كنت بحب عبلة جداً دى كانت راكبة عربية موديل ٢٠٠٥ وأنا راكب عربية موديل ٨٥.. كنت بفضلها على نفسى هى والأولاد ووسام عنده عربيته وداليا عندها عربيتها عمرى ما كنت أتخيل إنهم ممكن يعيشوا فى مستوى أقل من المستوى اللى طول عمرنا عايشين فيه وهما كده مرتاحين عند ربنا أكيد صح.. أكيد.

أنا عايز القصاص فوراً، نفسى القاضى يحكم عليه بالإعدام من أول جلسة عشان أروح لهم وأستريح من حياتى بدل العذاب إللى أنا عايش فيه.

«مافيش حد فيهم حس بحاجة ضربتهم وهما نايمين».

يروى المهندس شريف بثبات متذكراً لحظة إنهائه حياة عائلته إلا وسام، ضربته وحاول يجرى فلحقته عشان ميتعذبش ويرتاح ومايشوفش أى لحظة معاناة من الفقر.

أنا كتبت جواب لإخواتى وإخوات عبلة قلتلهم فيه سامحونى انتوا عارفين أنا بحب عبلة والأولاد والمستوى اللى أنا كنت معيشهم فيه وإذا كان المستوى ده مش هيعيشوا فيه بعد كده فى الدنيا أكيد هيعيشوا فيه فى الآخرة وأنا طالب من القاضى القصاص، أنا بحبهم لكن من الحب ما قتل».

أما أقارب المهندس شريف وأقارب زوجته الراحلة فيتوافدون لزيارته كلهم لا يقولون له سوى عبارة «شد حيلك» يشعرون بالإشفاق عليه، غير مصدقين ما حدث كلهم أجمع على أن المتهم كريم ومحبوب من الجميع وأنه أب مثالى وزوج حنون، وتجتمع فى نفوسهم مشاعر متناقضة..

الأب المتهم

الحزن لفراق أحبتهم (عبلة وولديها) والإشفاق على شريف الذى يرقد على سرير داخل غرفة العناية المركزة كأنه حطام إنسان تبقى منه هيكل عظمى، يرونه وذقنه طويلة بينما كان دائماً أنيقاً يرتدى زى العمليات بدلاً من أفخر الملابس الأجنبية، قدماه فى جبيرتين إثر محاولته الفاشلة قطع شرايينهما للانتحار بعد أن كان لا يتأخر عن مجاملة أو مواساة أقاربه وجيرانه فى كل حياتهم ليشاركهم أفراحهم وأحزانهم إلا أنه اليوم أصبح مستقبله فى يد الله وهو نادراً ما ينزل بصره عن سقف غرفته كأنه يسأل الله أن يريحه من حياته.

هل يمكن لتلك المبررات ان تكون منطقيه
هل يملك هذا الحق
هل هذا الرجل يستحق الشفقه ؟
هل الأسباب التى دفعته للقيام بقتلهم مقبوله؟