ميت الف فرصه عشان اسيب مصر
ولا عمري سبتها
علشان بلادي اللي بجد بحبها
بحبها بكدبها وصدقها
بحيب فيها اصاله ونداله اهلها
بحب فيها السهر بحب
زيفها واصلها
بحب فيها طلعه الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
رسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي اخوات
رضعين طيبه من صدرها
نبع الحنان وينامو حضنين
ارضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زاحمه هقولك
علشان بنعشق ارضها
هتقولي فيها فساد
هقولك ده من طيبه شعبها
جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل فقلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
واضحك زيها
طب وانت ماشي لوحدك
ووقعت في مشكله
مش بتلاقي الف واحد
جمبك بيحلها
لا تعرفهم ولا يعرفوك
بس جمعكو حبها
اهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هفضل لمصر اقول واعيد
انا اصلي عاشق ارضها
00000000
هناك تعليقان (2):
رائع
لولا
اشكرك
إرسال تعليق